Di da
«Musica in Val»
25 gün 2022 tuottadi a partir da las 11:00
guida da festa
Festführer
CUNTGNÜ
ün cordial bainvgnü in Val Müstair ... 3
salüd dal president dal district da musica ... 4
purtret da las duos societats ospitantas ... 5
program dal di ... 6
onurificaziun da veteranas e veterans ... 7
sponsurs principals ... 8
tombola ... 11
plan da situaziun ... 12
COMITÈ D’ORGANISAZIUN
Sandro Casty survegliader
Romedi Conradin vice e respunsabel pel program Gian Manatschal respunsabel infrastructura
Alexander Bott respunsabel gastronomia
Corsin Wetter respunsabel pel persunal e reclama
Martin Bott respunsabel da finanzas
Alessandro Roussette respunsabel tombola
Grazcha fich a tuot las agüdontas ed ils agüdonts per lur ingaschamaint vi da la reuschida da quista festa.
ÜN CORDIAL BAINVGNÜ IN VAL MÜSTAIR
In nom dal cumün da Val Müstair salüd eu a vus cordialmaing, charas musicantas e musicants sco eir a tuots auditurs, immez la Val, illa bel decorada fracziun da
Valchava.
Insembel cun la società da giuventüna Sta.Maria / Valchava ha la musica Aurora tut per mans l’organisaziun per offrir a vus, chars auditurs, ün singular evenimaint musical. A las duos societats pertocca ün sincer «Grazcha fich» per las grondas fadias e per il spordscher a nus tuots üna bella festa.
Davo lung temp sainza musica pudain tantüna darcheu far insembel musica. Ün grond plaschair per l’umanità, la musica riva l’orma, rinfrais-cha il cour e procura il star da cumpagnia. Musica es la lingua cha minchün inclegia.
Ils musicants preschaints han surtut la sfida. Id es gnü exercità, repeti, minchatant forsa eir gnü suspürà, ma mai gnü dat sü e nus s’allegrain sün bler puncts
culminants.
La Val Müstair ha üna lunga tradiziun musicala. Da la società da musica, ingio cha mincha musicant ha cumanzà, da la fuormaziun da «Ländler», da la musica da rock fin pro’ls trubadurs ed ils cors cun lur chanzuns rumantschas, tuot las direcziuns inrichan e laschan strasunar in armonia nossa varietà culturala. Sco auditurs pudain s’allegrar sül di d’hoz ed ingrazchar da cour a la musica Aurora ed a la società da giuventüna per quist bellischem evenimaint.
Insembel far musica, as sezzer vi d’üna maisa e taveller insembel, sunar instrumaints e preschantar al public bellas melodias chi van a cour, quist giavüsch eu a tuots musicants ed a tuot ils auditurs chi stan dastrusch e dalönch. La musica unischa a nus tuots e derasa grond plaschair a l’umanità.
Gabriella Binkert Becchetti
Presidenta cumünala Val Müstair
SALÜD DAL PRESIDENT DAL DISTRICT DA MUSICA
Charas musicantas, chars musicants, chars dirigents, charas dirigentas Stimats giasts ed amis da la musica
Sajat bainvgnüts a Valchava, sajat bainvgnüts in Val Müstair. "Festa da musica", quant bain tuna quai in nossas uraglias, quant bain fa quai a noss cours davo ün lung temp
d'abstinenza, davo ün lung temp sainza pudair chürar nossa paschiun. Daspö il principi dal 2020 han impedi il virus e la pandemia da corona tuottas prouvas da musica regularas, tuots arrandschamaints da musica, concerts ed impustüt eir festas da musica. Il virus ha dat aint il tact e na plü ils dirigents. Il nomer da musicantas e musicants ha pati in
differentas societats. Dal 2020 vess gnü d'avair lö la Festa da musica districtuala a Zernez.
Adonta cha l'organisaziun da la gronda occurrenza d'eira plü o main a fin ha la Festa districtuala davo duos suspaisas stuvü gnir strichada per dal bun.
Uossa esa finalmaing darcheu uschè inavant. Hoz haja nom: "Festa da musica". E quai fa grond plaschair. 13 fuormaziuns da musica, 300 musicantas e musicants as radunan a Valchava per laschar strasunar lur tuns e melodias tras la bella Val Müstair. Pigliain dimena quaista occurrenza sco occasiun per demonstrar cha'l spiert e l'orma da la musica nu's laschan stendschantar d'ingün virus. Nossas societats han bainschi stuvü patir e per part eir
"laschar pennas". Hoz pudaina però muossar cun nossas producziuns cha no eschan amo adüna quia, e quai cun tuotta forza. Uossa es quia il mumaint cha las societats pon darcheu gnir activas. Concerts e producziuns publicas sun la masdina per dar nouvs impuls pel avegnir e per motivar da far musica. Da gronda importanza sarà eir il curaschi dad ir
nouvas vias per recrutar giuvenils, per guadagnar commembers ed eir per dar fö da nouv a musicantas e musicants chi han bandunà la barcha dürant la pandemia. Cun curaschi, schlantsch ed ingaschamaint pudain no ragiundscher darcheu il nivel musical d'avant la pandemia.
"Cun nouv schlantsch our da la pandemia" es eir il motto da la Musica Aurora Sta. Maria - Valchava. Sün dumanda dal district da musica ha ella decis spontan da surtour
l'organisaziun da la Festa insembel culla Giuventüna Sta. Maria - Valchava. Grazcha fich al comitè d'organisaziun per l'iniziativa, l'idealissem e'l grond ingaschamaint a bön da quaista grodiusa occurrenza. Grazcha fich a la Val Müstair pell'ospitalità e grazcha fich a tuot las societats e fuormaziuns da musica pellas producziuns, pellas melodias e pels inscunters. Eu m'allegr.
Davo las producziuns da las musicas ha lö l'onurificaziun dals veterans e las veteranas dal dictrict da musica. Cordiala gratulaziun a vo tuottas e tuots, restai sans e restai inavant fidels a la musica.
Viva la musica
Jachen Kienz, president
PURTRET DA LAS DUOS SOCIETATS OSPITANTAS
Giuventüna Sta. Maria - Valchava
La società da giuventüna da las duos fracziuns Sta. Maria e Valchava exista in quista fuorma daspö l’on 2000 e dombra ruduond 50 commembras e commembers.
Dals 27 fin als 31 december organisescha la giuventüna minch’on ün festival cun ün vast program chi’d es adüna ün evenimaint special. Il nouv on da chalender vegn festagià cun sunar modinas i’l clucher da la Baselgia a Sta. Maria.
Ma eir otras tradiziuns vegnan mantgnüdas sco per exaimpel quella da Niculaus obain da far ghirlandas per nozzas. Als 1. avuost as radunan commembras e commembers per ir süllas muntognas a far fös. Dürant il temp da Nadal va la giuventüna a decorar ils bos-chins illas Baselgias.
Il scoppo da la società es da passantar ün bel temp insembel e d’organisar minchatant ün’excursiun o ün viadi plü grond.
Musica Aurora Sta. Maria - Valchava
La società da musica Aurora exista daspö l'on 1928 e dombra hoz ruduond 25 commembras e commembers. Dasper ün concert d'Advent ed ün concert da prümavaira sunain nus pro divers evenimaints e pisserain pel imbellimaint. Nos dirigent Romedi Conradin maina la bachetta daspö il 2012.
Nus sunain illa quarta classa harmonia ed ans participain da temp in temp eir a festas districtualas, chantunalas e federalas da musica.
PROGRAM DAL DI
urari punct da program infuormaziun
supplementara
11:00 Jugendkapelle Mals dir. Myriam Tschenett
11:35 Musica da Giuvenils La Plaiv - Zernez dir. Reto Lehner 12:10 Musica Giuventüna Engiadina Bassa dir. Flurin Lehner 12:45 Società da musica Silvaplana dir. Curdin Caviezel 13:20 Società da musica Zernez dir. Roman Caduff 13:55 Musikgesellschaft St. Moritz dir. Alessandro Pacco 14:30 posa
15:05 Società da musica Concordia Ardez dir. Flurin Vital
15:40 Società da musica Ftan dir. Jon Armon Strimer
16:15 Ils Infernals dir. Meinrad Meier
16:35 Società da musica Ramosch dir. Angelo Horber 17:10 Musica Uniun Tschierv-Fuldera-Lü dir. René Hohenegger 17:45 Musikkapelle Taufers im Münstertal dir. Michael Rufinatscha 18:30 pleds festivs in tenda
18:45 act festiv per veteranas e veterans
19:30 concert Graubünden Brass dir. Gian Stecher 20:15 tratta dals premis principals tombola
20:30 trategnimaint culla gruppa „Oberwind“
22:30 concert dals „Diabolics“
00:00 DJ LR
02:00 fin da la festa
ONURIFICAZIUN DA VETERANAS E VETERANS
società nom prenom ons sort
Musica Uniun Tschierv- Fuldera-Lü
Hohenegger Ralf 25 ons veteran chantunal Musikgesellschaft St. Moritz Fliri Paola 25 ons veterana chantunala Società da musica Aurora
Sta. Maria-Valchava
Conradin Romedi 25 ons veteran chantunal Società da musica Concordia
Ardez
Andri Reto 25 ons veteran chantunal Società da musica Concordia
Ardez
Haller Ruedi 25 ons veteran chantunal Società da musica Zernez Lehner Flurin 25 ons veteran chantunal Società da musica Zernez Lehner Janet 25 ons veteran chantunal Filarmonica Avvenire Brusio Zanolari Eugenio 35 ons veteran federal Musica Concordia Müstair Malgiaritta Vitus 35 ons veteran federal Musica Uniun Tschierv-
Fuldera-Lü
Caflisch Domenic 35 ons veteran federal Musica Uniun Tschierv-
Fuldera-Lü
Hohenegger René 35 ons veteran federal Musikgesellschaft St. Moritz Fliri Martin 35 ons veteran federal Società da musica Aurora
Sta. Maria-Valchava
Zen Sergio 35 ons veteran federal Società da musica Sent Felix-Koch Annaernesta 35 ons veterana federala Società da musica Sent Jann Dumeng 35 ons veteran federal Società da musica Zernez Beer Uorschlina 35 ons veterana federala Societed da musica S-chanf Camichel Christian 35 ons veteran federal Societed da musica S-chanf Camichel Christian 50 ons veteran chantunal
d’onur Società da musica Concordia
Ardez
Raffainer Josef 60 ons CISM veteran Società da musica Zernez Bühler Rudolf 60 ons CISM veteran
SPONSURS PRINCIPALS
SPONSURS PRINCIPALS
ULTERIURS SPONSURS
Qualitas Tschenett GmbH, Müstair Tschenett AG, Müstair
Hotel Chavalatsch, Müstair EMS-Chemie AG, Domat/Ems Hotel Staila, Fuldera
Hotel Münsterhof, Müstair ETO Travel, Müstair
Migrol AG, Cuoira Alpina B&B, Sta. Maria JC Architectura, Müstair Würth AG, Cuoira
Vibra-Fit Manuela Zen, Sta. Maria Tessanda Val Müstair, Sta. Maria Foffa Holzbau, Valchava
ÖKK, Müstair
Tschenett Ofen Platten, Müstair
Terretaz, Zernez
Chr. Cavegn Transporte, Landquart Pension Hirschen, Lü
Zoo Zürich, Zürich
Bus Val Müstair GmbH, Lü Gian Reto Scandella, Müstair Armon Feuerstein, Valchava Musica Concordia, Müstair Denner Satellit, Müstair La Butia, Valchava Printstick, Müstair
Società da samaritans Val Müstair, Valchava
Scoula da musica
Engiadina Bassa Val Müstair Aimara, Müstair
Ün stogn grazcha fich a tuot ils sponsurs per il sustegn.
TOMBOLA
premis principals
1. let dubel da dschember AMAR, Müstair frs. 3’180.- 2. bun per ün velo The Bike Pacher, Müstair frs. 2'000.- 3. monitur da televisiun plat Fliri & Conrad, Sta. Maria frs. 1'900.- 4. bun per ün ski alpin Aventüras, Müstair frs. 1’125.- 5. spejel da muntogna cun stativ Aventüras, Müstair frs. 863.- 6. svoul per 2 pers. (30 min.) Swisshelicopter, Samedan frs. 580.-
E blers oters bels premis directs.
sponsurs principals tombola
Ün grond grazcha fich eir a tuot ils ulteriurs sponsurs da premis.
reglas
Mincha nomer piglia part a la lotteria. Ils ses premis principals vegnan trat oura in sonda, 25 gün 2022 a las 20:15 illa tenda da festa. Ils premis plü pitschens as poja fingià retrar dürant il di cun muossar avant il nomer direct pro’l stand da tombola. Schi nun es pussibel per la vendschadra o il vendschader dad ir perdavo il premi as poja s’annunzchar cul nomer da lotteria tanter ils 27 gün ed ils 18 settember 2022 suot 079 741 61 96. Davent dals 19 settember 2022 scadan ils premis a favur da las societats organisaturas Giuventüna Sta. Maria - Valchava e Musica Aurora. Ils nomers vegnan eir publichats a partir dals 27 gün 2022 sün www.giuv-stava.ch.
PLAN DA SITUAZIUN
uraris da posta
da Müstair a Valchava e retuorn
Müstair posta partenza 10:26 minch’ura fin las 19:26 Valchava posta arriv 10:39
Valchava posta partenza 12:04 minch’ura fin las 20:04
Müstair posta arriv 12:18
da Zernez a Valchava e retuorn
Zernez staziun partenza 10:15 minch’ura fin las 19:15 Valchava posta arriv 11:04
Valchava posta partenza 11:39 minch’ura fin las 19:39
Zernez posta arriv 12:36
Taxi tras tuot la Val
11:00 fin las 20:00 Tel. 077 211 17 70 a partir da las 20:00 Tel. 079 639 05 27
